វក្កំ
ខ្មែរ
ការបញ្ចេញសំលេង
នាម
វក្កំ
- (បាលី វក្ក vakka; សំស្ក្រឹត វឫក្ក vrukka) = (តម្រងនោម; តម្រងបស្សាវៈ) គឺអាការៈមួយប្រភេទក្នុងខ្លួនមនុស្ស មានសណ្ឋានជាសាច់ពីរដុំ ទ្រង់ទ្រាយស្រដៀងនឹងផ្លែស្វាយ សម្រាប់ជ្រាបទឹកចូលទៅ ហើយជ្រាបហូរចុះមកដក់ក្នុងក្រពះបស្សាវៈ (bladder, vessie) ។ សព្ទនេះ តាមទម្លាប់រៀងមកតែងប្រែថា “ទាច”, ប៉ុន្តែបើតាមពិត ទាច (ascites, ascite) ជាឈ្មោះរោគធំពោះមួយប្រភេទ, មិនមែនជាឈ្មោះរបស់អាការៈទេដឹង ។ សរីរាង្គរបស់មនុស្សឬសត្វមានសណ្ឋានស្រដៀងនឹងគ្រាប់សណ្ដែកដែលមានមុខងារច្រោះយកជាតិអាសូត (nitrogen, azote) ចេញពីឈាម បង្កើតជាទឹកនោម (urine) ធ្វើឱ្យមានលំនឹងសារធាតុផ្សេងៗក្នុងឈាម ។ ឧទាហរណ៍ ជំងឺរលាកវក្កំ ឬ ជំងឺរលាកតម្រងនោម (nephritis, néphrite) ។ សម្រាប់ប្រើជារាជសព្ទ ព្រះវក្កំ ។
English: kidney; French: rein