អាពាហ៍ពិពាហ៍

ពីWiktionary

ខ្មែរ

ការបញ្ចេញសំឡេង

អក្ខរាវិរុទ្ធ អាពាហ៍ពិពាហ៍
សទ្ទតា អា-ពា-ពិ-ពា
ឡាតាំងយានកម្ម ʼaapiəpipiə
IPA (បមាណីយ) គន្លឹះ /ʔaːpiəpipiə/


នាម

អាពាហ៍ពិពាហ៍ --ពាពិពា សំ. បា. ( ន. ) អាវាហ + វិវាហ; ខ្មែរ​ប្រើ​ផ្លាស់ វ ជា ព) មង្គល​ការ គូ​បុរស​ស្ត្រី​ដែល​បាន​នាំ​មក​ហើយ​នាំ​ត្រឡប់​ទៅ​វិញ (ពីរ​លើក) : បាន​រៀប​មង្គល​ការ​អាពាហ៍​ពិពាហ៍​ពេញ​ច្បាប់ ។ តាម​រូប​សព្ទ អាវាហ (អាពាហ៍) ថា “នាំ​មក”, វិវាហ (ពិពាហ៍) ថា “នាំ​ត្រឡប់​ទៅ​វិញ”; តាម​អធិប្បាយ​ក្នុង​គម្ពីរ​កែ​សព្ទ​ថា ការ​នាំ​កូន​ស្រី​មក​ខាង​លំនៅ​កូន​ប្រុស ហៅ​ថា អាវាហៈ (អាពាហ៍), ការ​នាំ​កូន​ប្រុស​ត្រឡប់​ទៅ​ខាង​លំនៅ​កូន​ស្រី​វិញ ហៅ​ថា វិវាហៈ (ពិពាហ៍); ប៉ុន្តែ​តាម​ទំនៀម​ខ្មែរ​ត្រូវ​នាំ​កូន​ប្រុស​មក​ខាង​លំនៅ​កូន​ស្រី​មុន ហៅ​ថា អាពាហ៍ (ត្រូវ​ធ្វើ​ពី​ល្ងាច), លុះ​ដល់​វេលា​ព្រឹក​ឡើង នាំ​កូន​ស្រី​ទៅ​ឯ​រោង​ខាង​កូន​ប្រុស​វិញ ហៅ​ថា ពិពាហ៍; មង្គល​ការ​ដែល​បាន​ធ្វើ​ទាំង​ពីរ​បែប​នេះ​ទើប​ហៅ​ថា មង្គល​ការ​អាពាហ៍​ពិពាហ៍; បើ​បាន​ធ្វើ​ត្រឹម​តែ អាពាហ៍ ហៅ​ថា អាវាហ​មង្គល, បើ​ធ្វើ​តែ ពិពាហ៍ ហៅ​ថា វិវាហ​មង្គល ។ ព. កា. បញ្ជាក់​សព្ទ អាពាហ៍ និង ពិពាហ៍ ថា : អាពាហ៍​ប្រែ​ថា​ការ​នាំ​មក នូវ​ប្រុស​ពន្លក​ជា​គូ​ភ្ងា មក​ផ្ទះ​ខាង​ស្រី​តាម​វេលា ពិពាហ៍​ថា​នាំ​ស្រី​ទៅ​វិញ ។