អំពើ
( ន. ) ការដែលធ្វើ, អ្វីៗដែលត្រូវធ្វើ (កម្ម) : អំពើល្អ, អំពើអាក្រក់ ។ កិរិយាសព្ទប្រាប់អំពើ សកម្មកិរិយា ។ មានអំពើ មានប្រយោជន៍; ដែលមានការធ្វើ (ព. ផ្ទ. ឥតអំពើ) ។ ឥតអំពើ (មើលក្នុងពាក្យ ឥត) ។ ព. កា. ពន្យល់ពីពាក្យ អំពើ ថា : ពាក្យថាអំពើ កើតមកពីធ្វើ បាលីហៅកម្ម ព្រះពុទ្ធប្រាប់ថា ត្រូវសត្វចងចាំ សុខទុក្ខស៊ាំទាំ កើតពីអំពើ ។
( ន. ) កម្មអាក្រក់ឬកិច្ចកលលាមក ដែលធ្វើអ្នកដទៃឲ្យឈឺចាប់ដោយមន្តអាគមជាដើម : ត្រូវអំពើគេ, ដោះអំពើ (ម. ព. អំពាន់ ផង) ។
