ដែក
ខ្មែរ
ការបញ្ចេញសំលេង
នាម
ដែក
- លោហជាតិមួយពួក កើតពីជាតិថ្មមានព័ណ៌ក្រមៅ ជាធាតុរឹងជាងពួកលោហជាតិទាំងពួង, មានប្រយោជន៍ប្រើការបានច្រើនយ៉ាងជាងលោហជាតិទាំងពួង ។
- ឡែឡ Lygodium flexuosum ( Linn.) Sw
- ដែកកណ្ដារ ដែកស្រួយសម្រាប់ក្ដារឬ ខៃទម្លុះសាច់ឈើ ។
- ដែកខួង (ម. ព. ខួង) ដែកខៃ ដែកសម្រាប់ខៃទម្លុះ ។
- ដែកគាស់ ដែកមានសណ្ឋានឆែកជាចម្ពាមខាងចុង សម្រាប់គាស់ដកដែកគោល ។
- ដែកគោល ដែកមានសណ្ឋានមូលតូចទ្រវែងមានក្បាល ខាងចុងស្រួចសម្រាប់បោះភ្ជាប់អ្វីៗ ។
- ដែកចារ ដែកមូលឆ្មារស្រួចមានដងសម្រាប់ចារសាស្ត្រាស្លឹករឹត ។
- ដែកឆាប ដែកមានបន្លាខ្លីញឹកសម្រាប់ឆាបធ្មេញរណារជាដើម ។
- ដែកឈូស ដែកសម្រាប់ឈូសរំលីងឈើ ។
- ដែកដុល ដែកដែលនៅទាំងដុំ (ម. ព. ដុល ផង) ។
- ដែកថែប (ម. ព. ថែប) ។
- ដែកពុត ដែកសម្រាប់ពត់ធ្មេញរណារ ។
- ដែកភ្លើង ដែកសម្រាប់ដំយកភ្លើង (ដែកភ្លើង១គ្រឿង មានដែកដំ១ បំពង់ប៉ុយ១ ថ្ម ១ដុំ) ។ (ម.ព.ឈើគូសផង) ។
- ដែកស្វាន (ម. ព. ស្វាន ) ។
- ដែកអង្រូស (ម. ព. អង្រូស) ។ល។