បាយ

ដោយWiktionary

ភាសាខ្មែរ[កែប្រែ]

នាម[កែប្រែ]

( ន. ) ភោជនាហារ​ដែល​ចម្អិន​ដោយ​អង្ករ​ស្ងោរ​រំងាស់​ហើយ​សម្រិត​ឬ​សង្កត់​យក​ទឹក​ចេញ​រួច​ផ្ងំ​ឲ្យ​ងំ : បាយ​ខ្សាយ, បាយ​ដំណើប ។ បរិភោគ​បាយ, ពីសា​បាយ, ហូប​បាយ, ទទួល​ទាន​បាយ, អាស្រ័យ​បាយ, ស៊ី​បាយ ជា​ពាក្យ​ហៅ​ដោយ​សរុប​រួម​ការ​បរិភោគ​ភោជនាហារ​មាន​បាយ​ជាដើម ក្នុង​វេលា​មួយ​តាម​ពេល​កំណត់ ។ ដាំ​បាយ គឺ​ចម្អិន​បាយ : ដាំ​បាយ ត្រូវ​ដាក់​អង្ករ​និង​ទឹក​លៃ​ស្មាន​ឲ្យ​ល្មម កុំ​ផាត់​ទឹក​បាយ​ចោល​ព្រោះ​ការ​ផាត់​បាយ​នាំ​ឲ្យ​បាយ​មាន​ឱជារស​ខ្សោយ (ពាក្យ​ទំនើប​ថា នាំ​ឲ្យ​ខូច​វីតាមីន) ។ ម. ព. វីតាមីន ទៀត​ផង ។ បាយ នេះ​ជា ន. ប៉ុន្តែ​ខ្មែរ​យើង​ប្រើ​ក្នុង​អត្ថន័យ​សាមញ្ញ​ជា កិ. ថា បរិភោគ, ស៊ី ដោយ​រួបរួម​ជា​ការ​បរិភោគ​ភោជនាហារ​ក្នុង​ពេល, ច្រើន​និយាយ​ដោយ​ខ្លី​ថា : អ្នក​ទាំងអស់​គ្នា បាយ​ហើយ​ឬ​នៅ ? ទៅ​បាយ​ឯណា ?; ម៍​បាយ​ជាមួយ​គ្នា! ។ល។

ឧទាហរណ៍៖ លោកអញ្ជើញបាយហើយឫនៅ?

Example: Have you eaten yet?

ពាក្យដែលទាក់ទង[កែប្រែ]

  1. ញ៉ាំបាយ
  2. ដាំបាយ
  3. អ្នកដាំបាយ
  4. ទទួលទានបាយ
  5. ធ្វើបាយ
  6. អ្នកធ្វើបាយ
  7. ពិសាបាយ
  8. ស៊ីបាយ
  9. ហូបបាយ
  10. អត់បាយ
  11. អាស្រយបាយ
  12. បាយថ្ងៃត្រង់
  13. បាយបត្ដបូរ
  14. បាយពេលព្រឹក
  15. បាយពេលល្ងាច
  16. បាយពំនូត
  17. បាយព្រលឹង
  18. បាយម៉ាន
  19. ឃ្លានបាយ
  20. ចំអិនបាយ
  21. ឆាន់បាយ
  22. បាយកក
  23. បាយក្ដាំង
  24. បាយក្រៀម
  25. បាយគំទឹក
  26. បាយឆៅ
  27. បាយដំណើប

ខ្មែរ~អង់គ្លេស[កែប្រែ]

នាម[កែប្រែ]

(n.) rice, food